امریکی صدر کیلئے 4 ارب ڈالر مالیت کے نئے طیاروں کا آرڈر

امریکہ کی حکومت نے معروف طیارہ ساز کمپنی بوئنگ کو دو نئے ’’ایئر فورس ون‘‘ طیاروں کا آرڈر دے دیا ہے جنہیں امریکی صدر کے زیرِ استعمال طیاروں کے بیڑے میں شامل کیا جائے گا۔امریکی محکمہ دفاع ‘پنٹگان نے ‘بوئنگ’ کو یہ ٹھیکہ دینے کا اعلان منگل کو کیا ہے جس کی مالیت تین ارب 90 کروڑ ڈالر کے لگ بھگ ہے۔حکام کے مطابق ‘ایئر فورس ون’ کے لیے بوئنگ کے 8-747 ساختہ طیاروں کا انتخاب کیا گیا ہے جن پر سرخ، سفید اور نیلا رنگ کیا جائے گا۔ٹھیکے کی تفصیلات کے مطابق یہ طیارے امریکی حکومت کو دسمبر 2024ء تک ملیں گے۔اس کا مطلب ہے کہ اگر ڈونالڈ ٹرمپ 2020ء میں دوسری مدت کے لیے بھی صدر منتخب ہونے میں کامیاب رہے تو بھی وہ اپنے دورِ صدارت کے آخری چند ماہ ہی ان نئے طیاروں میں سفر کرسکیں گے۔اس سے قبل یہ اطلاعات آتی رہی ہیں کہ امریکی ایئر فورس بوئنگ کمپنی پر دباوؤ ڈال رہی ہے کہ وہ جلد سے جلد یہ طیارے تیار کرے کیوں کہ امریکی صدر کے زیرِ استعمال موجودہ ‘ایئر فورس ون’ طیاروں کے پرانے ہونے کے باعث ان کی مرمت اور انہیں پرواز کے قابل رکھنے پر خاصی رقم خرچ کرنا پڑ رہی ہے۔

جواب چھوڑیں