سونالی کا کینسر سے جنگ لڑنا لائق تحسین : انوپم کھیر

بالی ووڈ اداکار انوپم کھیر نے کہا ہے کہ اداکارہ سونالی بیندرے جس طرح کینسر سے جنگ لڑ رہی ہیں وہ بے حد قابل تعریف ہے۔ اداکار انوپم کھیر نے کہا ہے کہ میری اکثر سونالی بیندرے سے بات ہوتی ہے تو ان کے گرد مثبت سوچ کو یقینی بناتا ہوں اور انہیں کہتا ہوں کہ ہم میں سے پہلے کون گھر جائے گا میرا تو معلوم نہیں لیکن میں واقعی چاہتا ہوں کہ آپ جلد ہی اپنے گھر جائیں۔انہوں نے کہا کہ سونالی بیندرے بہت زیادہ بہادر اور حوصلہ مند خاتون ہیں اور اس مشکل صورتحال میں وہ جس مضبوطی اور حوصلہ مندی سے کینسر سے جنگ لڑ رہی ہیں وہ لائق تحسین ہے۔ انوپم کھیر نئی امریکی ڈرامہ سیریز نیو ایمسٹرڈیم کی عکسبندی کے لیے گزشتہ 5 ماہ سے نیویارک میں موجود ہیں۔

جواب چھوڑیں