فلسطینیوں اور اسرائیل کے درمیان ثالثی کی پیشکش:روس

روس نے فلسطینیوں اور اسرائیل کے درمیان ثالثی کی پیش کش کی ہے۔ روسی وزیر خارجہ سرجئی لاوروف نے کہا ہے کہ ان کا ملک فلسطینی اور اسرائیلی قیادت کے درمیان ثالثی کے لیے کردار ادا کرنے کو تیار ہے۔روم کے دو روزہ دورے کے دوران صحافیوں سے بات کرتے ہوئے روسی وزیر خارجہ نے کہا کہ فلسطین اور اسرائیل کے درمیان جاری کشمکش کو بات چیت اور مذاکرات کے لیے ذریعے حل کیا جانا چاہیے۔ اس سلسلے میں روس اپنا کردار ادا کرتا رہے گا۔ادھر فلسطین کے محصور علاقہ غزہ کی پٹی میں حق واپسی مظاہرے جاری رہیں۔ مظاہرین کا مطالبہ ہے کہ غزہ کی پٹی پر کئی سال سے مسلط کردہ معاشی پابندیاں ختم اور فلسطینی پناہ گزینوں کو واپس ان کے گھروں کو جانے کی اجازت دی جائے۔یہ مظاہرے 30 مارچ سے جاری ہیں اور اسرائیلی فوج کی جانب سے فلسطینی مظاہرین کے خلاف طاقت کا بے جا استعمال کیاجا رہا ہے جس کے نتیجے میں اب تک 235 فلسطینی شہید اور 12 ہزار سے زاید زخمی ہوچکے ہیں۔ اس دوران اسرائیلی فوج کے دو عہدیدار بھی ہلاک ہوئے ہیں۔’گزشتہ منگل کو فلسطینیوں اور اسرائیل نے مصر کی ثالثی کے تحت عارضی جنگ بندی پر اتفاق کیا تھا۔

جواب چھوڑیں